Sjengske

Doe Sjengske
op det muurke
biej de sjool
oppe Hei,
mit dien gezjwank figuurke
en losse henj
allei.

’t Is sjoon óm te zeen
wie se löps op dien teen,
wie se zjwejs mit dien erm
zóó greuts,
ocherm.

Al bös se klam twellef
doe kèns ’t waal zellef!
Veutje veur veutje
zeuks se nao aevewich;
konsentrasie en sjpanning
op lief en gezich.
Haols se d’n euverkantj alik,
of liks se mesjien dalik
mit dien naas in ’t graas?

Dao op det muurke
-amper eine sjtein breid-
maaks se dich sjtepke veur sjtepke
veur dien toekoms gereid.
Edere daag
-doe waers ’t neet meug-
perbeers se ’t nag èns opnuuj
es sjpegel veur de Heijer jeug
en…
al die anger luuj.

meert 1997