Zjwaam - sjpeels

Baek
wovan
allein al de naam
mich zo aangenaam
in de ore klink;
en die
es ich langs kóm
altied efkes wink.

Dao is alzelaeve
waal get te belaeve.
Zo kèn ’t gebeure
det ich zeen vanaaf ’n paedje
wie ’n tekske of ’n blaedje
zich prinsheerlik
mit leut veure;
óm den efkes later
in det sjnelsjtruimende water
köpke ónger te gaon.

En biej de volgende drej
waert det –wie óneerlik-
nag ‘ns sjtilkes euvergedaon;
de Zjwaam kiek neet zo nej.

meert 1998