Kinjerversjes

- - - - - - - - -

Nao bèd

Mit ’t pupke
mit ‘t muuske
mit ‘t uiteke
en mit Pluuske,
mit ‘t aolifentje
van dien sókkertentje,
mit ’t baerke
mit ‘t haeske
mit Ernie en mit Bert
én mit det sjnoebbelig aepke
mit dae heeeele lange sjtert.

Oeleke poeleke
oeleke poe,
doot dien uigskes
noe mer toe.

- - - - - - - - -

Lekker

’n Knienke óm te knoevele
zo leef en lekker zaach;
‘ne lap óm mit te froemele
de ganse lange daag;
’n paerd óm op te hoebbele
det duit ós (naam kiendje) good;
‘ne fóp óm op te zoebbele
ouch daovan gruijt ’t (d’r) groot.

Riky maart 2000